ခရီးသွားအတွေ့အကြုံများ- ၁

သူများတွေလို့ အတည်ကြီးရေးမှာမဟုတ်ပါဘူး ရောက်ဖူးသွားဖူးခဲ့တဲ့ နေရာလေးတွေရဲ့ အတွေ့အကြုံနဲ့ တစ်လွဲးဖြစ်ဖူးတာလေးတွေကိုအမှတ်တရ မှတ်တမ်းလိုရေးထားချင်စိတ်ပေါက်လာလို့ 😅😅
ပထမဆုံးရေးချင်တာကတော့ ရွာငံနားတစ်ဝိုက်နဲ့ ကလောဖက်မှာ Trekking ဘာညာလုပ်နေတဲ့ Dream Clover Adventure Travel ရဲ့ ရွာငံနား Trekking နဲ့ camping ပေါ့လေ သူငယ်ချင်းတစ်ယောက်နဲ့ ၂ ယောက်သွားကြတာ FOC ရလို့ 😂 အာ့နဲ့တစ်နှစ်ပြည့်မှ review ရေးတာပဲ ဟိုတစ်နေကပဲ တစ်နှစ်ပြည့်သွားတာ မကြာသေးဘူးလိုလိုနဲ့ မန္တလေးကနေသွားတာဆိုတော့ ရွာငံကိုလိုင်းကားရောက်တာနဲ့ ၂ ယောက်သားလိုင်းကားနဲ့သွားကြတာ သိပ်တော့အဆင်မပြေလှဘူး မနက် ၇ နာရီလောက်ကထွက်တာ နေ့လယ် ၁၁ လောက်မှာ ရွာငံရောက်သွားပြီ သိပ်တော့မကြာဘူး ရွာငံရောက်တာနဲ့ Dream Clover Adventure Travel ရဲ့ရုံးခန်းမှာ အထုတ်တွေသွားထား သူတို့ဆီကဆိုင်ကယ်ငှားပြီး အပြင်နေ့လယ်စာစားရင်းနဲ့ ပတ်ကြည့်ကြမယ်ဆိုပြီးထွက်လိုက်တာမှာ မြို့ကအတော်သေးတော့ လမ်းပေါ်မှာလူမရှိသလောက်ပဲ အိမ်ဆိုင်တွေဘာတွေဆို ရောင်းတဲ့သူတောင်မမြင်ရဘူး 😅😅 Dream Clover Adventure Travel ရုံးပြန်ရောက်မှမေးကြည့်တော့ သူတို့ဆီကအဲ့လိုပဲတဲ့ အပြင်သိပ်မထွက်ဖူးတဲ့ အထူသဖြင့်မိန်းခလေးတွေဆိုမမြင်ရသလောက်ပဲတဲ့ 😅 ညနေပိုင်း ၂ နာရီခွဲလောက်ကစပြီး ရွာငံကနေ Camping လုပ်မယ့်နေရာကိုထွက်ခဲ့တာ နေရာကတော့ သူတို့အခေါ် Paradise valley တဲ့လှတာတော့ အတော်လှတယ် လမ်းမှာရှိတဲ့ ရှမ်းဘုန်းကြီးကျောင်ဘေးက တောင်ပေါ်မှာလဲ နှစ် ၁၀၀ သက်တမ်းရှိတဲ့ ခေါင်းလောင်းကြီးလဲရှိတယ် ကြုံရင်ဝင်ကြည့်ကြ ရွာငံရဲ့အနောက်ဖက်မှာပဲ သိပ်မဝေးဘူး
သွားရတာ ရွာငံအနောက်ဖက် ၄ မိုင်လောက်ပဲဝေးတာ trekking အစစ်လောက်တော့မသွားရဘူး ဒါကို အတော်လေးသွားယူရတယ် 😅 ရွာနဲ့နီးတော့ နည်းနည်းကြောင်တယ်လို့တော့ခံစားရတယ် တောထဲမှာ (ကွင်းပြင်ထဲမှာ) တဲထိုးအိပ်ရတာဆိုတော့ အသစ်အဆန်းတော့ဖြစ်တယ် ကျနော်တို့သွားတုန်းကတော့ ညနေပိုင်းမိုးရွာတာနဲ့သိပ်အဆင်မပြေဘူး မီးဖိုလိုက် မိုးရွာလို့ တဲထဲပြန်ဝင်လိုက် ခဏနေမိုးတိပ်လို့ ပြန်ထွက်ပြီး မီးဖိုလိုက်နဲ့ ၄ ခါလောက်လုပ်ယူလိုက်ရတယ် မနက်နေထွက်လာချိန်တော့အတော်လေးလှတယ် ညနေနေဝင်ချိန်လဲလှမယ်ထင်တာပဲ မိုးကြောင့်မသိခဲ့ရတာ သွားရတဲ့ခရီးအရဆိုရင်တန်တယ်လို့ပြောလို့ရပေမယ့် ရွာငံကနယ်မြို့လေးဖြစ်နေလို့ လည်စရာနည်းပြီး ရှိတဲ့လည်စရာတွေက တစ်ခုနဲ့တစ်ခု အတော်ဝေးတယ် ကော်ဖီခြံတွေသွားလို့ရပေမယ့် နောက်မနက်ပြန်ရမယ့်အချိန်နဲ့ သိပ်မကိုက်တာနဲ့ မသွားခဲ့ရဘူး ကိုယ်ပိုင်သွားစရာ စီးတော်ယဉ် တစ်ခုခုပါလာရင် ပိုအဆင်ပြေမယ် ရွာငံမှာ ဈေးနေ့ရှိ့ပေမယ့် ကလောဈေးနေ့လိုမျိုးတော့ မစည်ဘူး သာမာန်ပါပဲ ဆောင်ရန်ရှောင်ရန်တော့သိပ်မရှိဘူး